- თუ ავადმყოფს პერიოდულად, ალკოჰოლის ან ცხიმიანი და ცხარე კერძების მიღების შემდეგ უვითარდება ძლიერი, "სარტყელისებური" ხასიათის ტკივილები მუცლის ზედა ნახევარში, მრავალჯერადი პირღებინებები, რომლის შედეგად მდგომარეობა არ უმჯობესდება, კუჭაშლობები, მუცლის შებერვები, ტემპერატურის მომატება, აუცილებელია გამოირიცხოს ქრონიკული პანკრეატიტის არსებობა.
ქრონიკული პანკრეატიტი პანკრეასის ჯირკვლოვანი ქსოვილის ქრონიკული, პროგრესირებადი ანთებად-დისტროფიული ხასიათის დაზიანებაა სადინარების გამავლობის დარღვევით, შეუქცევადი მორფოლოგიური ცვლილებების განვითარებით (ფიბროზული ნაწიბურები, ფსევდოკისტები, კალციფიკატები), ეგზო და ენდოკრინული ფუნქციის დარღვევით.
1. თუ ავადმყოფს პერიოდულად აღენიშნება ტკივილები მარჯვენა ფერდქვეშა არეში, პირის სიმწარე, გულისრევის შეგრძნებები, ტემპერატურის მომატება, რაც უხშირესად უკავშირდება ცხიმიანი კერძების მიღებას ან ფსიქოემოციურ გადაძაბვებს, აუცილებელია ჩატარდეს მუცლის ღრუს ულტრაბგერითი გამოკვლევა და გასტროენტეროლოგის კონსულტაცია ქრონიკული ქოლეცისტიტის გამოსარიცხად.
ქრონიკული ქოლეცისტიტი ნაღვლის ბუშტის კედლის ანთებითი დაავადებაა, რომელიც მიმდინარეობს ნაღვლგამომყოფი სისტემის მოტორიკის და ტონუსის დარღვევებით. ქრონიკული ქოლეცისტიტი კუჭ–ნაწლავის ტრაქტის ერთ–ერთი ყველაზე გავრცელებული დაავადებაა და ყოველ 1000 მოსახლეზე მისი სიხშირე 6–10 შემთხვევაა. დაავადება გვხვდება ყველა ასაკობრივ ჯგუფში, თუმცა ხშირია 40–60 წლის პირებში. ქალებში 3–5–ჯერ უფრო ხშირად გვხვდება, ვიდრე მამაკაცებში. დაავადების სიხშირე ჭარბობს ეკონომიურად განვითარებულ ქვეყნებში.
— თუ ადამიანს, რომელიმე ასაკში (მათ შორის ახალშობილის), გადატანილი აქვს სიყვითლე, თუმცა თავს ჯანმრთელად გრძნობს, აუცილებელია ღვიძლის სრულყოფილი გამოკვლევის ჩატარება, ღვიძლის ფარული დისფუნქციის გამორიცხვის მიზნით.
— თუ ავადმყოფს დადგენილი აქვს რომელიმე სახის ქრონიკული ჰეპატიტი და პრაქტიკულად არსებობს მისი ღვიძლის ციროზში ტრანსფორმირების ალბათობა, აუცილებელია გასტროენტეროლოგის მეთვალყურეობა. ავადმყოფს პერიოდულად უნდა ჩაუტარდეს ინსტრუმენტული და ლაბორატორიული გამოკვლევები, საჭიროების შემთხვევაში მედიკამენტური
ღვიძლში შეგუბებითი მოვლენები (შეგუბებითი ჰეპატოპათია) შეიძლება განვითარდეს გულის სხვადასხვა დაავადების დროს (სამკარიანი სარქვლის ნაკლოვანება, მარჯვენა პარკუჭის მძიმე უკმარისობა, ფილტვისმიერი გული, მიტრალური სტენოზი, მარცხენა პარკუჭის მძიმე უკმარისობა, შეხორცებითი პერიკარდიტი). ღვიძლში ხანგრძლივად მიმდინარე შეგუბების შედეგად შეიძლება განვითარდეს ფიბროზული შემაერთებელი ქსოვილი და ჩამოყალიბდეს ე.წ. კარდიული ციროზი.
შეგუბებითი ჰეპატოპათიის დროს ავადმყოფები უჩივიან ტკივილებს მარჯვენა ფერდქვეშა არეში
მეორადი ბილიარული ციროზი სანაღვლე გზების ხანგრძლივად მიმდინარე ობსტრუქციული პროცესების შედარებით იშვიათი შედეგია. ციროზი შეიძლება განვითარდეს მყარი ობსტრუქციიდან 5–7 წლის შემდეგ. ზოგჯერ ღვიძლის ციროზი შეიძლება განვითარდეს სანაღვლე გზების ნაწილობრივი ობსტრუქციის შემთხვევაშიც. სანაღვლე გზების დახშობა უფრო ხშირად ნაღვლკენჭოვანი დაავადების, შეხორცებების, სიმსივნური პროცესების, ქრონიკული პანკრეატიტის ან მასკლეროზირებელი ქოლანგიტის შედეგია. ღვიძლი გადიდებულია, მომწვანო ფერისაა. ზედაპირი მარცვლოვანია. ჰისტოლოგიურად ღვიძლის პარენქიმაში ვლინდება ნაღვლის საცობები, ნეკროზული უბნები. პორტული ტრაქტის გასწვრივ ვითარდება ფიბროზული შემაერთებელი
პირველადი ბილიარული ციროზი უცნობი ეთიოლოგიის სანაღვლე გზების არაჩირქოვანი, დესტრუქციული, პროგრესირებადი დაავადებაა, რომელიც ხასიათდება ნაღვლის წილაკთაშუა და სეპტალური სადინრების ანთებით და ციროზის განვითარებით.
ეპიდემიოლოგია
პირველადი ბილიარული ციროზით დაავადებულთა რიცხვი ყოველ 100000 მაცხოვრებელზე 30–60–ია. დაავადება 6–8–ჯერ ხშირია ქალებში 40 წლის შემდეგ, ვიდრე მამაკაცებში.
ღვიძლის ციროზი ქრონიკული პროგრესირებადი, შეუქცევადი დაავადებაა, რომელიც ხასიათდება ღვიძლში ფიბროზული შემაერთებელი ქსოვილის დიფუზური გამრავლებით და პარენქიმის კვანძოვანი რეგენერაციით, რაც განაპირობებს ორგანოს არქიტექტონიკის ღრმა გარდაქმნას და ღვიძლის ფუნქციების სხვადასხვა ხარისხით მოშლას.
ახალშობილთა სიყვითლის გადატანის შემდგომ, ბავშვობის ასაკიდანვე, სასურველია ღვიძლის პერიოდული გამოკვლევა ულტრაბგერითი და ლაბორატორიული მეთოდებით.
+995 599 12 13 53
კლინიკის შესახებ
ჰეპატო გასტროენტეროლოგიული კლინიკა "ლაგიმედი" დაფუძნდა 2014 წელს პროფესორ ექიმ-გასტროენტეროლოგ ლაგი გვეტაძის და ექიმ-სტომატოლოგ ლიანა ტორონჯაძის მიერ. კლინიკას ყოველდღიურად მრავალი პაციენტი მომართავს, როგორც დასავლეთ ასევე აღმოსავლეთ საქართველოდანაც.
კონტაქტი
ქუთაისი, დ. ავალიანი 1 / სარაჯიშვილის 4
0431 24 36 38
info@lagimedi.ge
www.lagimedi.ge
All Rights Reserved © 2023 Created By 